الصفحة الرئيسية  ثقافة

ثقافة وجيهة الجندوبي: تعلّق على غلق فضاءات العروض الفنية وتقول: باش نموتو احنا بالشر الفنانين؟

نشر في  06 أوت 2020  (18:41)

علقت الفنانة وجيهة الجندوبي على قرار غلق فضاءات العروض الفنية توقيا من فيروس الكورونا قائلة: "باش نموتو احنا بالشر الفنانين؟". ونشرت الجندوبي التدوينة التالية:

"توة تعديت من قدام سوق اسبوعية و ما حبيتش نصور احتراما للناس الي تقضي مانحبش نمس خصوصيتهم.. مانحكيلكمش، الناس تقضي في الخضرة بالدز الماعون بالدز الحوايج متاع الفريب (الي جايا من البرا مبلحطة بالكورونا) بالدز الكسكروتات سيديات المزود كل مايستهلك بالدز والرفس..

سامحني سوسة صفاقس الكاف تسكرو في المسارح علاش؟ باش نموتو احنا بالشر الفنانين؟ ياخي سلامة المواطن ما تتم كان كي تسكر فضاءات العروض الفنية، باهي والشطوط والبيران والقهاوي والشيش الي تبقبق من فم لفم هاذم ماتخلطلهمش الكورونا..

فضاءات مهياة ومعقمة ومحافظة على قواعد التباعد ووووو..شنوة؟؟ نخرجوا نطلبوا؟؟"