الصفحة الرئيسية › ثقافة

ثقافة هذا ما ورد في رسالة المخرج شادي حبش قبل وفاته بسجن طرة المصري

أعلنت مصادر حقوقية وفاة شادي حبش بسجن طرة المصري حيث كان يقضة عقوبة سجنية مدتها عامين بسبب إخراجه لأغنية "بلحة".

رسالة من شادي

" السجن مابيموتش بس الوحدة بتموت ، انا محتاج دعمكم عشان ماموتش "
في السنتين اللي فاتو انا حاولت " أقاوم " كل اللي بيحصلي لوحدي عشان اخرجلكم نفس الشخص اللي تعرفوه بس مبقتش قادر خلاص.
( مفهوم المقاومة في السجن: انك بتقاوم نفسك و بتحافظ عليها في و إنسانيتك من الآثار السلبية من اللي بتشوفوا و بتعيشوا كل يوم و أبسطها انك تتجنن او تموت بالبطيئ، لكونك مرمي في أوضه بقالك سنتين و مانسي و مش عارف هتخرج منها امتى ؟ او ازاي؟ )....
و النتيجة اني لسه في السجن و كل 45 يوم بنزل عند قاضي و بتكون نفس النتيجة " تجديد 45 يوم " من غير حتي مايبصلي او يبص لورق القاضية اللي كل اللي فيها مشيوا من 6 شهور ....
عموماً انا جلستي اللي جاية يو الثلاثاء 19 نوفمبر.
محتاج لدعمكم و محتاجكم تفكروهم اني لسه محبوس و انهم ناسيني و اني بموت بابطئ كل يوم لمجرد اني عارف اني لوحدي قدام كل ده و اني عارف اني ليا صحاب كتير بيحبوني و خايفين يكتبوا عني او فاكرين اني هخرج من غير دعمهم ليا ...
انا محتاجلكم و محتاج لدعمكم اكتر من اي وقت.
- شادي حبش
26 أكتوبر 2019