الصفحة الرئيسية  أخبار وطنية

أخبار وطنية مواطنة تقدم شهادة مفزعة عن مدة الانتظار في ديوانة مطار تونس قرطاج.. وعند وصولها للامارات تدخل عبر بوابة الكترونية فى ثواني وجيزة!

نشر في  18 أوت 2019  (11:12)

قدمت مواطنة تدعى فردوس شكيلي شهادة مفزعة عن مدة الانتظار في ديوانة مطار تونس قرطاج.. واشارت بالمقارنة أنه عند وصولها للامارات، دخلت عبر بوابة الكترونية فى ثواني وجيزة!

وهذه شهادتها كما نشرتها على صفحتها الخاصة بموقع الفايسبوك والتي استنجدت فيها بوزير السياحة عله يتفاعل مع ما يحدث:

"لعايلتي و صحابي إليّ مسافرين عبر مطار تونس قرطاج : أعملوا حسابكم إليّ صف الديوانة ينجم ياخوا من وقتكم بين ساعة و نصف إلى ساعتين. و لا حتى اكثر.....و الحالة هذه متكررة منذ أيام....

آمس مثلا ، على 27 ڤيشيً، زوز كانوا محلولين.
عملوا نظام جديد الصيف هذا : قبل كان صف على كل ڤيشي، تو ولاو زوز صفوف على 27 ڤيشي محددين بأحزمة، تحس روحك فيهم في متاهة labyrhinte. 
الناس تصيح و تزفر و تطالب بفتح الڤيشيات.
جانا مسؤول يصيح و يعيط و موش عاجبو. قالنا إليّ هوما يعانيو، لا راحة ، لا عطلة (آي و الدليل زوز ڤيشيات محلولين على 27...) و في الآخر قالنا في حركة مسرحية "وًزيد توما خارجين من ها البلاد و أحنا قاعدين" !!!

سؤال:أي طرف مسؤول على صف الديوانة؟ 
وينو وزير السياحة Rene Trabelsi يجي يشد معانا الصف و يسمع انطباع السياح؟ ما تسمع كان “شعفة و توبة كان نرجع لتونس " بالفرنسي و اللهجة الليبية و غيرها! 
وينو وزير النقل؟
وينهم جماعة "العملة الصعبة"؟ 
وينو يوسف الشاهد؟ قلولو يجي يوقف معانا "لتونس"!

قعدت ساعتين في صف الديوانة في تونس، و كي وصلت للإمارات تعديت في ثواني عبر بوابة إلكترونية (سكانيت پاسپوري و تعديت)......
مانيش نطالب ببوابة إلكترونية في تونس e-gate (و لو إنها تونس تستحق كل خير) , نطالب باحترام أي زائر لتونس و أي تونسي مسافر! 
علاش هكا؟؟ مشكلة كنّا ننجمو نتفاداوها بأبسط الطرق؟ 
في الراديو ينبهو في ناس من الضغط في المطارات و من بعد نحلو زوز ڤيشيات على 27 في وقت الذروة في مطار تونس -قرطاج؟

علاش ما نعززش الخدمات في الموسم السياحي؟ 
وًنخدم أكثر عباد في وقت الذروة و نحط ناس تنظم الصف! 
علاش هكا؟

Bon Rene Trabelsi n’accepte pas Les Tag
هو كعبة هاش تاڤ".