الصفحة الرئيسية  أخبار وطنية

أخبار وطنية تونسي مقيم بالخارج يتحدث عن مقدار الرشوة التي دفعها ليمر هو وعائلته دون تفتيش أو انتظار؟

نشر في  02 أوت 2018  (12:37)

نشر القيادي بالتيار الديمقراطي هشام العجبوني رسالة وصلته من أحد التونسيين المقيمين بالخارج، قال إنّه تعرّض للابتزاز من طرف الديوانة بميناء حلق الوادي.

وجاء في الرسالة ما يلي:

"البارحة روّحت لتونس عن طريق الباخرة كيف كلّ عام في عطلة الصيف مع عائلتي وأخي وعائلته (7 أطفال حاشى عويناتك).

الباخرة وصلت لميناء حلق الوادي على الساعة السادسة مساءً.

صدّقني بدون مبالغة، الميناء عبارة عن وكر لعصابات مافيا،
الريزو طايح في الميناء و أي واحد باش يخلّص أداءات عن البضاعة أو الأشياء إلي جايبهم لازم ينتظر، والله وحده يعلم متى يرجع الريزو!

جات التاسعة مساءًا ومازلنا ما عملنا شيء.

الأطفال تعبوا والنساء تعبوا والديوانيّة يتكيّفوا في الدخان موش على بالهم....

أنا إنسان أمقت الرشوة، ولكن البارحة إظطررت، وبقيت إلى الآن نادم وضميري يأنّب فيّا...

مشيت للديواني قتلوا خويا من فضلك هاو 50 euro, راني ما عادش نقدر نستنّى!

قلّي إستنّاني شويّا، مشى حكى مع عرفو ورجعلي قلّي خليهم 100 euro وتوّا تخرج في 20 دقيقة، قتلوا مشات معاك.

في ظرف 10 دقايق مشى جاب أوراق تصريح جدد، و عمّرلي هو، وركّح كل شيء، وفي عوض إلّي نخلّص 3000 دينار على الأشياء إلي جايبهم، ما خلّصت حتى ملّيم، وفعلا بعد 20 دقيقة كنت خارج الميناء.

مانيش فرحان بروحي بالشيء إلّي عملتو، لكن حقيقة لم يكن لي بديل، الله يغفرلي.

البلاد يبيعوها ب 100 euro!

أقسم لك انّه لم يلمس أي شيء من الأشياء إلّي جبتها.

البلاد يبيعوها، لا يهمهم شيء، ولا يوجد فيها صالح، كلّهم لصوص!".

 


الأكثر قراءة

فضيحة جديدة: البنك المركزي يكشف الجمعيات الدينية الداعمة للإرهاب وهذه مصادر تمويلاتها
أشهر اسماء المرأة الامازيغية ومعانيها
لأوّل مرة: الدكتور أحمد المناعي يتحدّث عن "قنبلة" الجهاز السرّي لحركة النهضة وما كشفه له المرحوم المنصف بن سالم
ماهي الدول التي يمكن للتونسيين دخولها بدون تأشيرة ؟
تُشغل 800 اطار وعامل وتُـصـدر 50 بالمائة من إنــتاجـهـا: مـؤسـسـة يـونـيـماد لـصـنـع الأدويـة تصدر التوضيح التالي
العاصمة: سنة سجنا لرجل وعشيقته المتزوجة بتهمة الزنا وهكذا أطاحت بهما زوجة المتّهم
كل التفاصيل عن الزيادات في أجور أعوان الوظيفة العمومية
يكشفها لأوّل مرّة: منير الشرفي يقدّم شهادته بشأن يوم محاولة القبض على "أبو عياض" وما أخبره به قائد أمني دخل في حالة هستيريا
للمرة الثانية.. مريم بلقاضي تدخل القفص الذهبي
في حادث مؤلم أب يرمي عربة ابنه الرضيع في البحر

رياضة

آخر أخبار الرياضة

فايس بوك