الصفحة الرئيسية  أخبار وطنية

أخبار وطنية صابرين القوبنطيني تعلّق على خبر الحكم على منذر بلحاج علي بـ4 سنوات سجنا وما حكاية تعيين أصدقاء وابناء حزب الفخفاخ في دواوين الوزارات؟

نشر في  29 جوان 2020  (20:00)

قضت الدائرة الجنائية بالقطب القضائي الإقتصادي والمالي اليوم الإثنين 29 جوان 2020، بالسجن مدّة أربعة أعوام مع خطية مالية تفوق الـ20 ألف دينار في حق السياسي منذر بلحاج علي. ويأتي هذا الحكم في القضية المتعلقة بدراسته بالخارج على حساب وزارة التعليم العالي دون أن تتوفر فيه الشروط القانونية اللازمة لذلك.
في هذا الإطار نشرت النائبة السابقة صابرين قوبنطيني تعليقا على صفحتها الخاصة بموقع الفايسبوك على هذا الخبر متحدّثة عن تعيين أصدقاء وابناء حزب رئيس الحكومة في دواوين الوزارات كما يلي:

"يعني اللي يمشي يقرى وخذى منحة عام 2000 نحطوه في الحبس اربعة سنين عام 2020.
على اساس توة تعرفوا كيفاش تتعطى المنح مالثورة لليوم، والا على اساس منذر وحدو خذى منحة، في بلاد اللي الكناطرية اللي سارقة المليارات خطايا ديوانية وضرائب من عند الدولة تتوقف ليلة وتخرج بعدم سماع الدعوى، في بلاد اللي الوزير يعطي فيها كرهبة الدولة بميات الملاين لبنتو تفشخها ويكمل وزير وحتى بحث ما يتحلش، في بلاد اللي يخرج فيها رئيس هيئة مكافحة الفساد يقول انو رئيس الحكومة عندو صفقات بعشرات المليارات ويواصل رئيس الحكومة يخدم في بلاصة ما يحشم ويستقيل، في بلاد اللي وزير الصناعة يعطي مواصفات صفقة لنائب بالتلفون، في بلاد اللي وزير الطاقة يخرج ويرجع في رحلات اجلاء يعمل عطلة وقت العالم مسكر ولا ردة فعل، في بلاد اللي تعينت فيها اصدقاء وابناء حزب رئيس الحكومة في دواوين الوزارات وكراهب وبونوات وشهاري...
اكهو اقعدوا اللي ما يعجبكمش كلامو لفقولو دوسي والقانون يتطبق حسب الطلب، والله لا تربح اللي رجع ثقافة الدوسيات والانتقام والمقايضة... طبعا مصلحة الشعب وخدمته والاجراءات للاقتصاد البالع ليهم ربي
كل التضامن مع صديقي المنذر بالحاج علي ومع اي واحد باش يعملولو حكاية كي هكة ومانيش باش نسكت على اي تجاوز نشوفوا ..."